Hot News
@ ການໄປທັດສະນະສຶກສາທີ່ທະເລພັດທະຍາ
ໃນຕອນເຊົ້າຂອງວັນທີ່ 05/05/2008 ກຸ່ມນັກສຶກສາພາຍໃຕ້ທຶນ ລັດທະບານໄທ ຈະໄປທັດສະນະສຶກສາທີ່ ທະເລພັດທະຍາ ນຳພາໂດຍອາຈານ ວິໄລສັກ ກິ່ງຄຳ ແລະ ອາຈານອື່ນໆ ໃນພາກວິຊາພາສາໄທ ຊຶ່ງຈະເລີ່ມອອກຈາກ ມ.ກະເສດສາດ ກຸງເທບມະຫານະຄອນ ເວລາ 6:30 ໂມງເຊົ້າ ທີ່ຂ້າງອາຄານສູນຮຽນລວມ 2
@ ສຳມະນາວິທະຍາສາດເພື່ອລະນຶກວັນສ້າງພັກຄົບຮອບ 53 ປີ @
ກອງປະຊຸມສຳມະນາວິທະຍາສາດ ເພື່ອລະນຶກວັນສ້າງຕັ້ງພັກ ຄົບຮອບ 53 ປີໄດ້ໄຂຂຶ້ນວັນທີ 20-21 ມີນາ 2008 ນີ້, ທີ່ສະໂມສອນຄະນະໂຄສະນາອົບຮົມສູນກາງພັກໂດຍພາຍໃຕ້ການເປັນປະທານຂອງສະຫາຍ ສະຫມານ ວິຍະເກດ, ກຳມະການກົມການເມືອງສູນກາງພັກ, ຫົວຫນ້າຄະນະຊີ້ວຽກງານແນວຄິດ
>>>>>>>>>>>>> ( ຂັດຈາກໜັ່ງສືພິມປະຊາຊົນ ) <<<<<<<<<<<<<<
>>>>>>>>>>>>> ( ຂັດຈາກໜັ່ງສືພິມປະຊາຊົນ ) <<<<<<<<<<<<<<
@ ນັກສຶກສາລາວ 26 ຄົນໄດ້ຮັບທຶນສຶກສາຕໍ່ທີ່ປະເທດຍີ່ປຸ່ນ @
ໃນຕອນຄໍ່າຂອງວັນທີ 18 ມີນາ 2008, ພະນະທ່ານ ມາສະອະກິ ມີຢາຊີຕະ (Masaaki Miyashita), ເອກອັກຄະຣາຊະທູດວິສາມັນຜູ້ມີອຳນາດເຕັມ ແຫ່ງປະເທດຍີ່ປຸ່ນ ປະຈຳ ສປປ ລາວ ໄດ້ຈັດງານລ້ຽງ ສົ່ງນັກສຶກສາລາວຈຳນວນ 26 ຄົນໃນຈຳນວນທັງໝົດ 60 ກ່ວາຄົນທີ່ໄດ້ຮັບທຶນການສຶກ ສາຂອງລັດຖະ ບານຍີ່ປຸ່ນ ເພື່ອໄປສຶກສາຕໍ່ທີ່ປະເທດຍີ່ປຸ່ນໃນປີນີ້.
ປະເທດຍີ່ປຸ່ນ ແລະ ລາວ ແມ່ນໄດ້ມີສາຍພົວພັນການ ທູດອັນດີງາມມາແຕ່ປີ 1955 ແລະ ກໍ່ໄດ້ເສີມສ້າງຄວາມເຂົ້າໃຈເຊິ່ງກັນ ແລະ ກັນ ແລະ ເພີ່ມທະວີສາຍພົວພັນມິດຕະພາບລະຫວ່າງສອງປະ ເທດຕະຫລອດມາ.
ນອກຈາກໃຫ້ການຊ່ວຍເຫລືອ ແລະ ຮ່ວມມືທາງດ້ານເສດຖະກິດແກ່ລັດຖະບານລາວ, ລັດຖະບານຍີ່ປຸ່ນ ຍາມໃດກໍ່ໃຫ້ຄວາມສຳຄັນແກ່ການພັດທະນາຊັບພະຍາກອນມະນຸດຂອງລາວ ມັນສະ ແດງອອກຢູ່ບ່ອນວ່າ ແຕ່ລະປີລັດຖະບານຍີ່ປຸ່ນໄດ້ໃຫ້ທຶນແກ່ນັກສຶກສາລາວໄປຮຽນຕໍ່ທີ່ປະເທດຍີ່ປຸ່ນໃນຫລາຍລະດັບ ແລະ ໃນ ຫລາຍຂະແໜງວິຊາ ເພື່ອນຳມາພັດທະນາປະເທດລາວແລະ ພ້ອມກັນນີ້ ບັນດານັກສຶກສາດັ່ງກ່າວຈະ ເປັນຂົວຕໍ່ມິດຕະພາບລະຫວ່າງລາວ ແລະ ຍີ່ປຸ່ນ ໃຫ້ນັບມື້ນັບແໜ້ນແຟ້ນຍິ່ງຂຶ້ນອີກ. ໃນຈຳນວນນັກ ສຶກສາ 25 ທຶນ, 2 ທຶນຈະໄປສຶກສາໃນລະດັບປະຣິນຍາຕີ, 17 ທຶນ ໃນລະດັບຊັ້ນສູງ, 1 ທຶນໃນລະດັບວິຊາຊີບ, 4 ທຶນໃນລະດັບປະຣິນຍາໂທ ແລະ 2 ທຶນໃນລະດັບປະຣິນ ຍາເອກ.
ເປັນກຽດເຂົ້າຮ່ວມໃນງານລ້ຽງດັ່ງກ່າວມີ ທ່ານ ຄຳສິງ ໄຊຍະກອນ, ຫົວໜ້າຄະນະກຳມາທິການເສດ ຖະກິດແຜນການ ແລະ ການເງິນສະພາແຫ່ງຊາດ ທັງເປັນປະທານສະມາຄົມມິດຕະພາບລັດຖະສະພາ ລາວຍີ່ປຸ່ນ, ທ່ານ ນາງ ແສງເດືອນ ຫລ້າຈັນທະບູນ, ລັດຖະມົນຕີຊ່ວຍວ່າການກະຊວງສຶກສາທິການ ທັງເປັນຮອງປະທານສະມາຄົມມິດຕະພາບລາວຍີ່ປຸ່ນ ພ້ອມດ້ວຍພະນັກງານ ແລະ ນັກສຶກສາທີ່ໄດ້ ຮັບທຶນຢ່າງພ້ອມພຽງ.
>>>>> ( ຂັດຈາກໜັ່ງສືພິມ ປະຊາຊົນ ) <<<<<
ປະເທດຍີ່ປຸ່ນ ແລະ ລາວ ແມ່ນໄດ້ມີສາຍພົວພັນການ ທູດອັນດີງາມມາແຕ່ປີ 1955 ແລະ ກໍ່ໄດ້ເສີມສ້າງຄວາມເຂົ້າໃຈເຊິ່ງກັນ ແລະ ກັນ ແລະ ເພີ່ມທະວີສາຍພົວພັນມິດຕະພາບລະຫວ່າງສອງປະ ເທດຕະຫລອດມາ.
ນອກຈາກໃຫ້ການຊ່ວຍເຫລືອ ແລະ ຮ່ວມມືທາງດ້ານເສດຖະກິດແກ່ລັດຖະບານລາວ, ລັດຖະບານຍີ່ປຸ່ນ ຍາມໃດກໍ່ໃຫ້ຄວາມສຳຄັນແກ່ການພັດທະນາຊັບພະຍາກອນມະນຸດຂອງລາວ ມັນສະ ແດງອອກຢູ່ບ່ອນວ່າ ແຕ່ລະປີລັດຖະບານຍີ່ປຸ່ນໄດ້ໃຫ້ທຶນແກ່ນັກສຶກສາລາວໄປຮຽນຕໍ່ທີ່ປະເທດຍີ່ປຸ່ນໃນຫລາຍລະດັບ ແລະ ໃນ ຫລາຍຂະແໜງວິຊາ ເພື່ອນຳມາພັດທະນາປະເທດລາວແລະ ພ້ອມກັນນີ້ ບັນດານັກສຶກສາດັ່ງກ່າວຈະ ເປັນຂົວຕໍ່ມິດຕະພາບລະຫວ່າງລາວ ແລະ ຍີ່ປຸ່ນ ໃຫ້ນັບມື້ນັບແໜ້ນແຟ້ນຍິ່ງຂຶ້ນອີກ. ໃນຈຳນວນນັກ ສຶກສາ 25 ທຶນ, 2 ທຶນຈະໄປສຶກສາໃນລະດັບປະຣິນຍາຕີ, 17 ທຶນ ໃນລະດັບຊັ້ນສູງ, 1 ທຶນໃນລະດັບວິຊາຊີບ, 4 ທຶນໃນລະດັບປະຣິນຍາໂທ ແລະ 2 ທຶນໃນລະດັບປະຣິນ ຍາເອກ.
ເປັນກຽດເຂົ້າຮ່ວມໃນງານລ້ຽງດັ່ງກ່າວມີ ທ່ານ ຄຳສິງ ໄຊຍະກອນ, ຫົວໜ້າຄະນະກຳມາທິການເສດ ຖະກິດແຜນການ ແລະ ການເງິນສະພາແຫ່ງຊາດ ທັງເປັນປະທານສະມາຄົມມິດຕະພາບລັດຖະສະພາ ລາວຍີ່ປຸ່ນ, ທ່ານ ນາງ ແສງເດືອນ ຫລ້າຈັນທະບູນ, ລັດຖະມົນຕີຊ່ວຍວ່າການກະຊວງສຶກສາທິການ ທັງເປັນຮອງປະທານສະມາຄົມມິດຕະພາບລາວຍີ່ປຸ່ນ ພ້ອມດ້ວຍພະນັກງານ ແລະ ນັກສຶກສາທີ່ໄດ້ ຮັບທຶນຢ່າງພ້ອມພຽງ.
>>>>> ( ຂັດຈາກໜັ່ງສືພິມ ປະຊາຊົນ ) <<<<<
@ ສານປະຊາຊົນສູງສຸດຈັດຕັ້ງປາຖະກະຖາ ວັນສ້າງຕັ້ງພັກ ຄົບຮອບ 53 ປີ @
ສານປະຊາຊົນສູງສຸດໄດ້ຈັດຕັ້ງປາຖະກະຖາວັນສ້າງຕັ້ງພັກປະຊາຊົນ ປະຕິວັດລາວ ຄົບຮອບ 53 ປີ (22/3/1955 - 22/3/2008) ຂຶ້ນໃນວັນທີ 20 ມີນາ 2008 ທີ່ສານປະຊາຊົນສູງສຸດ ນະຄອນ ຫລວງວຽງຈັນ. ເຂົ້າຮ່ວມເປັນກຽດໃນການປາຖະກະຖາໃນຄັ້ງນີ້ ໂດຍແມ່ນທ່ານ ທອງສິງ ທຳມະວົງ ກຳມະການກົມການເມືອງສູນກາງພັກ, ປະທານສະພາແຫ່ງຊາດ, ຜູ້ຊີ້ນຳໃນຂົງເຂດວຽກງານຍຸຕິທຳ, ສານ ແລະ ໄອຍະການ.ເຂົ້າຮ່ວມຮັບຟັງໃນການປາຖະກະຖາດັ່ງກ່າວມີສານປະຊາຊົນສູງສຸດ, ຕາງຫນ້າສານທະ ຫານຂັ້ນສູງ, ຕາງຫນ້າສານນະຄອນຫລວງ, ຫົວຫນ້າກົມ, ຮອງກົມ, ຫົວຫນ້າສູນບຳລຸງຜູ້ພິພາກສາ, ສານອຸທອນພາກກາງພ້ອມດ້ວຍພະນັກງານອ້ອມຂ້າງເຂົ້າຮ່ວມຢ່າງພ້ອມພຽງ.
ຫລັງຈາກນັ້ນທ່ານ ຄຳມີ ໄຊຍະວົງ ປະທານສານປະຊາຊົນສູງສຸດກໍ່ໄດ້ຂຶ້ນກ່າວສະຫລຸບໂດຍຫຍໍ້ກ່ຽວກັບ ວຽກງານຂອງສານໃນໄລຍະ 1 ປີທີ່ຜ່ານມາ ເວົ້າເຖິງຈຸດດີ, ຈຸດອ່ອນຂໍ້ຄົງຄ້າງ ແລະ ວິທີແກ້ໄຂ. ຈາກນັ້ນທ່ານ ທອງສິງ ທຳມະວົງ ກໍ່ໄດ້ໃຫ້ກຽດປາຖະກະຖາເລົ່າຄືນມູນເຊື້ອຂອງວັນສ້າງຕັ້ງພັກ ປປ ລາວ, ບົນເສັ້ນທາງອັນລະອິດລະອ້ຽວຂ້ຽວຂາດດຸເດືອດແຕ່ເດັດຂາດມີໄຊ, ພັກປະຊາຊົນ ປະຕິວັດລາວ, ຊຶ່ງໄດ້ເຕີບໃຫຍ່ມາຈາກພັກກອມມູນິດອິນດູຈີນໄດ້ນຳພາປະຊາຊົນລາວບັນດາເຜົ່າໃນທົ່ວປະເທດປະຕິບັດຫນ້າທີ່ປະຕິວັດຊາດ ປະຊາທິປະໄຕ ຕໍ່ສູ້ກັບພວກຈັກກະພັດລ່າເມືອງຂຶ້ນແບບເກົ່າ ແລະ ໃຫມ່ໄດ້ຮັບ ໄຊຊະນະເປັນຂັ້ນໆມາຈົນສາມາດສະຖາປະນາປະເທດຊາດເປັນປະເທດ ສາທາລະນະລັດ ປະຊາທິປະໄຕ ປະຊາຊົນລາວ ໃນວັນທີ 2 ທັນວາ 1975. ເມື່ອປະເທດຊາດໄດ້ຮັບການປົດປ່ອຍ, ລະບອບເກົ່າທີ່ ເຫນົ່າເຫມັນໄດ້ຖືກລົບລ້າງ, ພັກໄດ້ວາງນະໂຍບາຍ 2 ຫນ້າທີ່ຍຸດທະສາດຄື: ປົກປັກຮັກສາ ແລະ ສ້າງສາພັດທະນາປະເທດຊາດ ແລະ ໄດ້ຊີ້ນຳໆພາການປະຕິວັດຍາດເອົາໄຊຊະນະເປັນກ້າວໆມາ, ຊຶ່ງຍາມໃດພັກເຮົາແມ່ນມີທັດສະນະແນວຄິດເປັນອັນຫນຶ່ງອັນດຽວ, ມີອຸດົມການອັນດຽວ ແລະ ສ້າງຄວາມສາມັກຄີເປັນເອກະພາບພາຍໃນພັກເສີມຂະຫຍາຍປະຊາທິປະໄຕ ພາຍໃນພັກໃຫ້ມີຄວາມຫນັກແຫນ້ນເຂັ້ມແຂງ.
ທັງຫມົດນັ້ນແມ່ນຍ້ອນການນຳພາອັນປີຊາສາມາດສະຫລາດສ່ອງໃສຂອງ ພັກປະຊາຊົນ ປະຕິວັດລາວ. ຈຸດປະສົງໃນການຈັດຕັ້ງປາຖະກະຖາວັນສ້າງຕັ້ງພັກໃນຄັ້ງນີ້ແມ່ນເພື່ອເປັນການເຊື່ອມຊຶມໃຫ້ສະມາຊິກພັກ ແລະ ພະນັກງານໄດ້ຮັບຮູ້ ແລະ ເຂົ້າໃຈຢ່າງເລິກເຊິ່ງຕໍ່ວັນສຳ ຄັນດັ່ງກ່າວ.
>> ( ຂັດຈາກໜັ່ງສືພິມປະຊາຊົນ )<<
ຫລັງຈາກນັ້ນທ່ານ ຄຳມີ ໄຊຍະວົງ ປະທານສານປະຊາຊົນສູງສຸດກໍ່ໄດ້ຂຶ້ນກ່າວສະຫລຸບໂດຍຫຍໍ້ກ່ຽວກັບ ວຽກງານຂອງສານໃນໄລຍະ 1 ປີທີ່ຜ່ານມາ ເວົ້າເຖິງຈຸດດີ, ຈຸດອ່ອນຂໍ້ຄົງຄ້າງ ແລະ ວິທີແກ້ໄຂ. ຈາກນັ້ນທ່ານ ທອງສິງ ທຳມະວົງ ກໍ່ໄດ້ໃຫ້ກຽດປາຖະກະຖາເລົ່າຄືນມູນເຊື້ອຂອງວັນສ້າງຕັ້ງພັກ ປປ ລາວ, ບົນເສັ້ນທາງອັນລະອິດລະອ້ຽວຂ້ຽວຂາດດຸເດືອດແຕ່ເດັດຂາດມີໄຊ, ພັກປະຊາຊົນ ປະຕິວັດລາວ, ຊຶ່ງໄດ້ເຕີບໃຫຍ່ມາຈາກພັກກອມມູນິດອິນດູຈີນໄດ້ນຳພາປະຊາຊົນລາວບັນດາເຜົ່າໃນທົ່ວປະເທດປະຕິບັດຫນ້າທີ່ປະຕິວັດຊາດ ປະຊາທິປະໄຕ ຕໍ່ສູ້ກັບພວກຈັກກະພັດລ່າເມືອງຂຶ້ນແບບເກົ່າ ແລະ ໃຫມ່ໄດ້ຮັບ ໄຊຊະນະເປັນຂັ້ນໆມາຈົນສາມາດສະຖາປະນາປະເທດຊາດເປັນປະເທດ ສາທາລະນະລັດ ປະຊາທິປະໄຕ ປະຊາຊົນລາວ ໃນວັນທີ 2 ທັນວາ 1975. ເມື່ອປະເທດຊາດໄດ້ຮັບການປົດປ່ອຍ, ລະບອບເກົ່າທີ່ ເຫນົ່າເຫມັນໄດ້ຖືກລົບລ້າງ, ພັກໄດ້ວາງນະໂຍບາຍ 2 ຫນ້າທີ່ຍຸດທະສາດຄື: ປົກປັກຮັກສາ ແລະ ສ້າງສາພັດທະນາປະເທດຊາດ ແລະ ໄດ້ຊີ້ນຳໆພາການປະຕິວັດຍາດເອົາໄຊຊະນະເປັນກ້າວໆມາ, ຊຶ່ງຍາມໃດພັກເຮົາແມ່ນມີທັດສະນະແນວຄິດເປັນອັນຫນຶ່ງອັນດຽວ, ມີອຸດົມການອັນດຽວ ແລະ ສ້າງຄວາມສາມັກຄີເປັນເອກະພາບພາຍໃນພັກເສີມຂະຫຍາຍປະຊາທິປະໄຕ ພາຍໃນພັກໃຫ້ມີຄວາມຫນັກແຫນ້ນເຂັ້ມແຂງ.
ທັງຫມົດນັ້ນແມ່ນຍ້ອນການນຳພາອັນປີຊາສາມາດສະຫລາດສ່ອງໃສຂອງ ພັກປະຊາຊົນ ປະຕິວັດລາວ. ຈຸດປະສົງໃນການຈັດຕັ້ງປາຖະກະຖາວັນສ້າງຕັ້ງພັກໃນຄັ້ງນີ້ແມ່ນເພື່ອເປັນການເຊື່ອມຊຶມໃຫ້ສະມາຊິກພັກ ແລະ ພະນັກງານໄດ້ຮັບຮູ້ ແລະ ເຂົ້າໃຈຢ່າງເລິກເຊິ່ງຕໍ່ວັນສຳ ຄັນດັ່ງກ່າວ.
>> ( ຂັດຈາກໜັ່ງສືພິມປະຊາຊົນ )<<
ຫວຽດນາມລົງທຶນກໍ່ສ້າງເຂື່ອນໄຟຟ້າດັກອີເມີນ ແຂວງເຊກອງ
ວັນທີ 9 ມັງກອນ 2008 ນີ້, ທີ່ນະຄອນຫລວງວຽງຈັນ ໄດ້ເຊັນບົດບັນທຶກຄວາມເຂົ້າໃຈ (MOU)ໂຄງການກໍ່ສ້າງເຂື່ອນໄຟຟ້ານ້ຳຕົກດັກອີເມີນ ແຂວງເຊກອງລະຫວ່າງລັດຖະບານ ສປປ ລາວ ແລະ ບໍລິສັດ ຫຸ້ນສ່ວນໄຟຟ້າຫວຽດນາມ ລາວ ຂຶ້ນໂດຍເປັນກຽດເຂົ້າຮ່ວມຂອງທ່ານ ສົມສະຫວາດ ເລັ່ງສະຫວັດ, ຮອງນາຍົກລັດຖະມົນຕີຜູ້ປະຈຳການລັດຖະບານ, ທ່ານ ຫງວຽນຊິງຮຸ່ງ, ຮອງນາຍົກລັດຖະມົນຕີ, ຜູ້ປະຈຳການລັດຖະບານແຫ່ງ ສສ ຫວຽດນາມພ້ອມດ້ວຍທ່ານ ບໍ່ສາຍຄຳ ວົງດາລາ ລັດຖະມົນຕີວ່າການກະຊວງພະລັງງານ ແລະ ບໍ່ແຮ່, ທ່ານ ຫວູຮຸຍຮ່ວງ,ລັດຖະມົນຕີວ່າການກະຊວງອຸດສາຫະກຳ ການຄ້າ ສສ ຫວຽດນາມ ຕະຫລອດຮອດພະນັກງານຂັ້ນສູງທີ່ກ່ຽວຂ້ອງທັງສອງຝ່າຍເຂົ້າຮ່ວມ.
ໂຄງການກໍ່ສ້າງເຂື່ອນໄຟຟ້າດັ່ງກ່າວຖ້າສ້າງສຳເລັດຈະປະກອບມີຫົວຈັກ 2 ເຄື່ອງ ມີກຳລັງແຮງ 130 MW (ເມກາວັດ), ມີກຳລັງການຜະລິດ 526,2 ລ້ານ kwh (ກິໂລວັດໂມງ) ດ້ວຍການລົງທຶນ 155,3 ລ້ານໂດລາສະຫະລັດ ເຊິ່ງແມ່ນ ບໍລິສັດຂອງຫວຽດນາມລົງທຶນ 100% ມີໄລຍະການກໍ່ສ້າງ 4 ປີ, ຄາດວ່າຈະໃຫ້ສຳເລັດໃນປີ 2013 ໂດຍມີອາຍຸສຳປະທານ 25 ປີ. ໃນພິທີເຊັນສັນຍາດັ່ງກ່າວ ຕາງຫນ້າລັດຖະບານ ສປປ ລາວ ແມ່ນທ່ານ ທອງມີ ພົມມີໄຊ, ລັດຖະມົນຕີຊ່ວຍກະຊວງແຜນການ ແລະ ການລົງທຶນ ແລະ ຕາງຫນ້າ ບໍລິສັດ ແມ່ນທ່ານ ເມຍຫຸຍຕວນ ປະທານສະພາບໍລິຫານ ບໍລິສັດ ຫຸ້ນສ່ວນໄຟຟ້າຫວຽດນາມ ລາວ.ບໍລິສັດຫຸ້ນສ່ວນໄຟຟ້າຫວຽດນາມ ລາວ ທີ່ມີປະສົບການໃນການພັດທະນາໂຄງການເຂື່ອນໄຟຟ້າຢູ່ ສສ ຫວຽດນາມ.
ສຳລັບຢູ່ ສປປ ລາວ ບໍລິສັດດັ່ງກ່າວໄດ້ເຊັນສັນຍາສຳປະທານໂຄງການເຂື່ອນໄຟຟ້າເຊຂະຫມານ 3, ແລະ ເຊັນ MOU ໂຄງການເຂື່ອນໄຟຟ້າເຊຂະຫມານ 1 ເຊຂະຫມານ ຊານໄຊ ແລະ ເຊຂະຫມານ 4, ຍ້ອນເຫັນໄດ້ທ່າແຮງຂອງ ບໍລິສັດດັ່ງກ່າວຈິ່ງສະເຫນີຂໍສຶກສາສຳຫລວດຄວາມເປັນໄປໄດ້ ໂຄງການດາກອີເມີນ ໃນການສຶກສາສຳຫລວດຄັ້ງນີ້ມີອາຍຸ 18 ເດືອນ ເພື່ອສຶກສາຜົນກະທົບຕໍ່ສິ່ງແວດລ້ອມ ແລະ ສັງຄົມຂອງໂຄງການ.
ຖ້າຜົນຂອງການສຶກສາໂຄງການດັ່ງກ່າວເຫັນວ່າເປັນເສດຖະກິດຈະສະເຫນີພັດທະນາໂຄງການຂັ້ນຕໍ່ໄປດ້ວຍຮູບການກໍ່ສ້າງດຳເນີນງານມອບໂອນແບບ BOT.
* ຄັດຈາກ: ຫນັງສືພິມປະຊາຊົນ, ສະບັບວັນທີ 11-01-2008
ໂຄງການກໍ່ສ້າງເຂື່ອນໄຟຟ້າດັ່ງກ່າວຖ້າສ້າງສຳເລັດຈະປະກອບມີຫົວຈັກ 2 ເຄື່ອງ ມີກຳລັງແຮງ 130 MW (ເມກາວັດ), ມີກຳລັງການຜະລິດ 526,2 ລ້ານ kwh (ກິໂລວັດໂມງ) ດ້ວຍການລົງທຶນ 155,3 ລ້ານໂດລາສະຫະລັດ ເຊິ່ງແມ່ນ ບໍລິສັດຂອງຫວຽດນາມລົງທຶນ 100% ມີໄລຍະການກໍ່ສ້າງ 4 ປີ, ຄາດວ່າຈະໃຫ້ສຳເລັດໃນປີ 2013 ໂດຍມີອາຍຸສຳປະທານ 25 ປີ. ໃນພິທີເຊັນສັນຍາດັ່ງກ່າວ ຕາງຫນ້າລັດຖະບານ ສປປ ລາວ ແມ່ນທ່ານ ທອງມີ ພົມມີໄຊ, ລັດຖະມົນຕີຊ່ວຍກະຊວງແຜນການ ແລະ ການລົງທຶນ ແລະ ຕາງຫນ້າ ບໍລິສັດ ແມ່ນທ່ານ ເມຍຫຸຍຕວນ ປະທານສະພາບໍລິຫານ ບໍລິສັດ ຫຸ້ນສ່ວນໄຟຟ້າຫວຽດນາມ ລາວ.ບໍລິສັດຫຸ້ນສ່ວນໄຟຟ້າຫວຽດນາມ ລາວ ທີ່ມີປະສົບການໃນການພັດທະນາໂຄງການເຂື່ອນໄຟຟ້າຢູ່ ສສ ຫວຽດນາມ.
ສຳລັບຢູ່ ສປປ ລາວ ບໍລິສັດດັ່ງກ່າວໄດ້ເຊັນສັນຍາສຳປະທານໂຄງການເຂື່ອນໄຟຟ້າເຊຂະຫມານ 3, ແລະ ເຊັນ MOU ໂຄງການເຂື່ອນໄຟຟ້າເຊຂະຫມານ 1 ເຊຂະຫມານ ຊານໄຊ ແລະ ເຊຂະຫມານ 4, ຍ້ອນເຫັນໄດ້ທ່າແຮງຂອງ ບໍລິສັດດັ່ງກ່າວຈິ່ງສະເຫນີຂໍສຶກສາສຳຫລວດຄວາມເປັນໄປໄດ້ ໂຄງການດາກອີເມີນ ໃນການສຶກສາສຳຫລວດຄັ້ງນີ້ມີອາຍຸ 18 ເດືອນ ເພື່ອສຶກສາຜົນກະທົບຕໍ່ສິ່ງແວດລ້ອມ ແລະ ສັງຄົມຂອງໂຄງການ.
ຖ້າຜົນຂອງການສຶກສາໂຄງການດັ່ງກ່າວເຫັນວ່າເປັນເສດຖະກິດຈະສະເຫນີພັດທະນາໂຄງການຂັ້ນຕໍ່ໄປດ້ວຍຮູບການກໍ່ສ້າງດຳເນີນງານມອບໂອນແບບ BOT.
* ຄັດຈາກ: ຫນັງສືພິມປະຊາຊົນ, ສະບັບວັນທີ 11-01-2008